Posted on

Il-12 Ħadd ta’ matul is-sena – Sena B – 21 ta’ Ġunju 2015

Il-12 Ħadd ta’ matul is-sena – Sena B – 21 ta’ Ġunju 2015

Qari: Ġob (38: 1.8-11)
Ma taqbiżx minn hawn il-qawwa tal-mewġ tiegħek.

Salm Responsorjali: Salm 91
Roddu ħajr lill-Mulej, għax għal dejjem it-tjieba tiegħu

II Qari: 2 Korintin (5: 14-17)
Il-qadim għadda, biex daħal il-ġdid floku.

Evanġelju: Mark (4: 35-41)
Profeta kbir qam fostna, u Alla żar il-poplu tiegħu.

 

TALBIET TA’ INTERĊESSJONI

Il-Mulej ħeles lil dawk li għajtulu fil-hemm tagħhom; nitolbuh għalhekk għall-Knisja u għad-dinja kollha u ngħidulu: Fit-tjieba tiegħek Mulej, salvana.

Nitolbu għall-Knisja biex qatt ma tonqosha l-fidi fil-Mulej meta tħabbat wiċċha mad-dgħufijiet tal-membri tagħha u mal-persekuzzjonijiet: Fit-tjieba tiegħek Mulej, salvana.

Nitolbu għall-bnedmin kollha ta’ rieda tajba biex ma jħallux il-ħażen ta’ madwarna jxejjen il-ħiliet li Alla żejjinhom bihom: Fit-tjieba tiegħek Mulej, salvana.

Nitolbu għal kull min hu mċaħħad mir-rispett lejn id-dinjità tiegħu biex ikun jista’ jgħix ta’ ħliqa ġdida fi Kristu:Fit-tjieba tiegħek Mulej, salvana.

Nitolbu għall-ġemgħa liturġika biex fis-simboli tagħraf il-preżenza ħajja ta’ Kristu Sidna: Fit-tjieba tiegħek Mulej, salvana.

Missier, inti qatt ma titlaq lil dawk li sawwart f’imħabbtek. Ilqa’ għalhekk it-talbiet tal-għeżież tiegħek. Bi Kristu Sidna. Ammen.

 

 

Posted on

Nhar l-Erbgħa li għaddiet, 17 ta’ Ġunju P. Dionisju Mercieca mar jiltaqa’ mal-Mulej

Nhar l-Erbgħa li għaddiet, 17 ta’ Ġunju , miet fl-Isptar Mater Dei P. Dionisju Mercieca, fl-età ta’ 91 sena.

Dionisju għadda nofs iż-żmien tiegħu bħala Superjur tal-patrijiet f’Ta’ Xbiex. L-ewwel darba li sar Superjur kien proprju hawn fl-1957, fl-ewwel snin mill-wasla tal-Patrijiet Tereżjani f’Ta’ Xbiex. Reġa’ ġie magħżul Superjur fl-1972, u mill-ġdid fl-1979. Wara baqa’ residenti Ta’ Xbiex sa ma reġa’ sar Superjur hawn sal-1987. Imbagħad ġie mibgħut B’Kara, fejn baqa’ sal-aħħar ta’ ħajtu. P. Dionisju, ukoll fil-mard li kellu jgħaddi minnu, baqa’ jinteressa ruħu f’Ta’ Xbiex u l-iżvilupp tiegħu.

 

Illum jinsab espost fis-Sala Madonna tal-Karmnu, B’Kara, u għada s-Sibt, il-funeral jitlaq minn hemm fid-9.00am u l-Quddiesa ssir fis-Santwarju ta’ S. Tereża, B’Kara, fid-9.15am. Il-Mulej li sejjaħlu għall-ħajja Tereżjana biex jaqdih bħala saċerdot, issa sejjaħlu għandu u jgħidlu: “Ejja, qaddej fidil u għaqli…” Agħtih, O Mulej, il-mistrieħ ta’ dejjem.

image0031

 

 

Posted on

Nhar il-Ġimgħa 12 ta’ Ġunju 2015 – Solennita’ tal-Qalb Imqaddsa ta’ Ġesu’ – Wara l-quddiesa tas-6.00pm purċissjoni b’Ġesu Ewkaristija

Nhar il-Ġimgħa 12 ta’ Ġunju 2015 – Solennita’ tal-Qalb Imqaddsa ta’ Ġesu’ – Wara l-quddiesa tas-6.00pm purċissjoni b’Ġesu Ewkaristija

Wara l-quddiesa tas-6.00pm purċissjoni b’Ġesu Ewkaristija li tgħaddi minn dawn it-toroq

Vjal Sir Temi Zammit
Triq Ix-Xatt
Ir-Rampa Ta’ Xbiex
Triq Onorato Bres
Vjal Sir Temi Zammit

Tajjeb li bħala Insara veri nimxu wara Ġesu

Posted on

Today 9th May the Church celebrates Saint George Preca

SAINT GEORGE PRECA (1880-1962) FOUNDER OF THE MUSEUM SOCIETY AND CARMELITE TERTIARY

Today 9 May the Church celebrates St George Preca; the founder of the Society of Christian Doctrine known as MUSEUM and first Maltese saint

http://www.karmelitanimalta.org/persunaggi/persunaggi03.html

For the past years, on today 9th May, the Church began to celebrate St George Preca; the founder of the Society of Christian Doctrine known as MUSEUM and first Maltese saint. Although he was born to a wealthy family, Dun Gorg was living in a destitute manner. The room in which Father George (or Dun Gorg as he was called in Maltese) passed most of his life, was a very small room with a bed with a matress full of holes and with a large table with books with it. He was ordained a priest on 22nd December 1906 by Bishop Pietro Pace. Fifty years before the Vatican II council he already believed that the laity should be given much more importance in the Catholic Church. St George Preca was the first to place the Bible in the hands of laymen. Sunday 3rd June 2007 is a historic day for Malta. Under uninterrupted rain in the middle of St. Peter’s Square at the Vatican, and in the presence of 5,000 Maltese, Pope Benedict XVI declared Dun Gorg Preca a saint.

image0021

Posted on

Illum 9 ta’ Mejju il-Knisja tiċċelebra lil San Ġorġ Preca

SAN ĠORĠ PRECA (1880-1962)

FUNDATUR TAS-SOĊJETÀ TAL-MUSEUM U TERZJARJU KARMELITAN

Illum 9 ta’ Mejju il-Knisja tiċċelebra lil San Ġorġ Preca; il-fundatur tas-Socjetà tad-Duttrina Nisranija magħrufa bħala M.U.S.E.U.M. u l-ewwel qaddis Malti

http://www.karmelitanimalta.org/persunaggi/persunaggi03.html

Għal dawn l-aħħar snin, bħal-lum 9 ta’ Mejju, il-Knisja bdiet tiċċelebra lil San Ġorġ Preca; il-fundatur tas-Socjetà tad-Duttrina Nisranija magħrufa bħala M.U.S.E.U.M. u l-ewwel qaddis Malti. Minkejja li kien ġej minn familja tat-tajjeb, Dun Ġorġ kien jgħix f’faqar kbir. Il-kamra li fiha Dun Ġorġ għadda l-biċċa l-kbira ta’ ħajtu, kienet kamra żgħira ħafna b’sodda b’saqqu kollu ħotob u b’mejda naqra kbira bil-kotba fuqha. Dun Ġorġ ġie ordnat saċerdot fit-22 ta’ Diċembru 1906 mill-Isqof Pietru Pace. Ħamsin sena qabel il-Konċilju tal-Vatikan II huwa kien diġà jemmen li l-lajċi għandhom jingħtaw ferm aktar importanza mill-Knisja Kattolika. San Ġorġ Preca kien minn tal-ewwel li ta l-Bibbja f’idejn il-lajċi. Il-Ħadd 3 ta’ Ġunju 2007 hi ġurnata storika għal Malta. Taħt xita ma taqta’ xejn f’nofs Pjazza San Pietru fil-Vatikan, u fil-preżenza ta’ 5,000 Malti, il-Papa Benedittu XVI għamel qaddis lil Dun Ġorġ Preca.

image0021